السلام عليكم ورحمة الله وبركاته



لقد لاحظت أن الكثيرين يغيرون لهجتهم عند زيارة مكان ما, حيث يتم تنسيق الكلمات مع أهل المدينة المزارة إلى درجة أنك لا تستطيع أحيانا أن تفرق بين حديث السائح والذي يقطن بتلك الناحية..
وهو ماجعلني أطرح هذا الموضوع بين أيديكم الآمنة وأقوالكم الصادقة



حقيقة وبكل صراحة هل تساند هذا الإتجاه أم أنك ضده




ولمــــــــــــــــــــــــــــــــاذا ؟




إضغط هنا لرؤية الصورة بحجمها الطبيعي.



[img][/img]

ردود اذا اعجبكم وطبعا مع الراي وشكرا

المهم حنا جزايريين ونفهموا بعضانا

دايما كيما يفهمكش الآخر تجيبيله مفردة من للي يعرفهم ويفهمهم
حنا سمونا الولايات الجزائرية غير المتحدة(غير في اللهجات)
بصح في الشدة الصح يبان أختي
وراكم تعرفوا باللي جزاير فيها الشاوي والمزابي والقبايلي....وغيرهم


أما بالنسبة لميولي كل واحد لازم يحكم في أصلوا وفي هدرتوا وفي أسلوبوا في الحياة
بصح ماشي مشكل إدا بغى يفريمي شويا هههههه

تعلم لغة قوم حتى تتقي شرهم

لوكان يجيك مثلا شاوي يعاير فيك وانت تقوليله ماغسي خويا ربي يخليك واش معناتها
لازم تحفظي كل لهجات الجزائريين باه تفهميهم

هههههههه

مليح موضوعك أختي
و الله نا شوي مع راي الاخت رنيم و في حاجة اخرى كاين 2 لأنواع من يغيرو لهجتهم
و كل واحد عنده غاية من تغيير لهجته
1- أنه يكون مغير لهجته باش كيما قالت الاخت رنيم علاجال باش يفهم غيره و غيره يفهمه
2- أنه يكون مغير لهجته
مستعار من لهجته الاصل و هادا يرجع لوش
واحد يروح لبرة شوي يرجع يقلبها الهدرة خلاص
حتى و لو كنت صح تاثرت بالهدرة البرة مهما كان ما تلعبهاش عن بلادك الاصل و اصلك و عرقك ....
هادا رايي اختي و تقبلي مروري على صفحتك الطاهرة
و كيما قالت الاخت رنيم رانا كامل جزايريين
واحد ماهو مختلف عن الاخر نسمو جزايريين برك مش حاجة اخرى
سلامي ........

اوكي اوكي

انا من النوع الي يغيرو لهجتهم مي دوك نقوللكم علاه

انا دوكا بابا من شلف و ماما من العاصمة،كنا عايشين في العاصمة و جينا لشلف مؤخرا

عادة البنت تحكي كيما يماها و كيما البلاد الي ساكنة فيها

بون كي جينا لشلف في الاول كنت نحكي عاصمي لاخاطرش متعودة زايدة الثم و متربية الثم و ماما عاصمية

مي تعرضت لمضايقات بزاف،و الشلافة مايحبوش البراني امالا كانوا يديرونجوني على جال اللهجة تاعي امالا بدلتها وليت نحاول نحكي شلفي مع اني مانقدرش ،نبان بلي مانعرفش عييت نحاول نبدل مي ماقدرتش

و دوك كي نكون في شلف نهدر شلفية مكسرة و كي نروح للعاصمة نهدر عاصمية

لاخاطرش بلاصة زدت و تربيت فيها و بلاصة راني عايشة فيها في الوقت الحالي

مجبر اخاك لا بطل

يعني كي تستدعي الضرورة علاش لالا؟؟

مشي مشكل تغيير اللهجة لكن المشكل اننا ننساو شكون حنا و من وين جينا

شكرا اختي على الطرح المميز

ففي النهاية كلنا جزائريون و كلنا اخوة و ما يجمعنا اكثر مما يفرقنا